صدفه غريبه أوى
wolf
مرة كنا أنا وواحد صاحبي ماشيين وبنتكلم عادى مرة واحدة لاقينا بنت حلوة أوى معدية المهم قلت أعمل فيها عم روميو وأعاكسها المهم لسه رايح وهبدأ أتكلم لاقيت أبوها فى وشى أنا شفت شكله أصلا وأترعبت ومن كتر الخوف طلعت أجرى ونسيت صحبي أصلا والحمد لله عدت على خير
هو الأكل بالعافية
YakOoOT
أنا مرة كنت رحت ليبيا زيارة لناس أرايبي هناك فالمهم بعد ما وصلتلهم كانوا هما رايحين فرح فقالولي هاتيجي معانا الفرح قلتلهم ماشي وبعد مارحت معاهم الفرح لقيتهم هناك بيجيبو للمعازيم أكل غريب في حلة كبيرة عبارة عن مكرونة بس كان المنظر يقرف أوييييي فقولتلهم يا جماعة والله أنا لسه أكل حظكو وحش قالولي لا لازم تااااااكل وبصولي بصه غريبة فاضطريط أكل وأنا قرفان جداً والمصيبة إلي كانت أكبر من كده أن الأكل هناك من غير معالق!!!! وبعد ما خلصت روحت البيت ومش هاحكلكو إيه إلي حصل أكيد إنتو عرفتو
أنا فقري فقري
mido
يا جماعه أنا كنت نازل أدفع مصاريف الكلية وأنا مبنزلش أساساً غير للضرورة المهم أخيراً قررت أنزل وأدفع الفلوس المهم صحيت من النوم متأخر يدوب ألبس والحق أدفع الفلوس نزلت ووقفت تاكسي وعند الجامعة اتخانقت معاه على الأجرة وبعدين سيبته وأنا داخل الكلية بتاع الحرس بيقولي فين الكارنيه بدور اتاري نسيته عملت معاه حوار ودخلت بالعافيه المهم جريت على الست بتاعت الخزنة لقيتها بتقولي بكره وهي لسه على معادها ربع ساعة بس كانت الهانم زهقت أنا بقه مكدبتش خبر وطلعت للعميد بقولوه الموظفين لسه معادهم ومش راضيين ياخدو المصاريف أصلهم زهقوا وملهمش نفس طبعاً العميد اتنرفز واتصل بالشؤون وهزقهم وقالي أنزل وهما هياخدو الفلوس وهيخلصوك أصل العميد بتاعنا راجل عسل المهم نزلت للوليه لقيتها مش طيقاني وبتقولي هيجيلك يوم وتلاقيني براقب عليك في لجنة وهزلك نفضتلها طلعت كل الورق والوصولات وبتقولي إنجز يلا وهات الفلوس وكااااانت المصيبة الكبرى بعد ده كله لقيت إني نسيت أخد المصاريف بتاعت الكلية معايا بزمتكم مش حاجه تكسف حلفت وقولت والله ما دافع حاجه وهخلي أي حد يدفعهملي بس بعيد عنكو الوليه بصتلي بصه أكيد إنتو عرفينها
المحاضرة
إيمان
أنا مرة كان عندى محاضرة الساعة 10 المهم اتأخرت ودخلت الجامعة جرى وعلى السلم جرى وطلعت بفتح الباب لقت الدكتور زعق فيه وقالى إطلعى بره، المهم خرجت وأنا محرجة جداً وقفت على الباب سمعته بيقول إبقى قبلينا السنة الجاية هنا فتحت ودخلت تانى قولتلهم هتبقو موجودين الدكتور والطلبة ماتو من الضحك ودخلنى الدكتور حضرت
موضوع: مواقف حقيقيه 
الأحد 02 ديسمبر 2007, 12:12 pm