منتديات زووم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات زووم

كان للابداع حدود ولكننا تخطيناها
 
الرئيسيةأحدث الصورالتسجيلدخول

 

 شاهدوا قنوات التليفزيون و هى داخله فى بعض

اذهب الى الأسفل 
كاتب الموضوعرسالة
محمود المحلاوى
مدير عام
مدير عام
محمود المحلاوى


المساهمات : 146
تاريخ التسجيل : 01/11/2007

شاهدوا قنوات التليفزيون و هى داخله فى بعض Empty
مُساهمةموضوع: شاهدوا قنوات التليفزيون و هى داخله فى بعض   شاهدوا قنوات التليفزيون و هى داخله فى بعض Icon_minitimeالثلاثاء 27 مايو 2008, 4:37 pm

السلام عليكم ورحمة الله وبركاته

سيداتى ساداتى
اهلا بكم فى اليوم المفتوح
الحقيقه النهارده الارسال اتعطل كتير
واحتمال كبير اوى القنوات تدخل فى بعضها
فا..... خلوا بالكوا

كل واحد يظبطت القنوات كويس جدا جدا
علشان تعرفوا تتفرجوا على فقراتنا النهارده
واولا مع نشرة الاخبار ..
النشره : سيداتى ساداتى نقدم لكم نشرة الاخبار
وفى نشرتنا ........ ...... علبتيييين زبادى وكيلو لبن وخمس خيارات
وتروحى جايبه ....خمس لاعبيييييين فى خط الدهر ..
و3 فى خد النص و 2 فى الهجوم
وبيحكم مباراة النهارده الكابتن جمال الغندور
اللى نزل ارض الملعب وقدامه ..............
عين البوتاجاز وتحطى عليها حلة وتروحى سايباها
................ فى المغاره
ههههه وبعدين يا عمو
وبعدين يا حبيايبى راح على بابا وسمسمه داخلين وهناك بقى ايه لقو
لقوا .........قوات مجلس الامن وأدان بشده ما يحدث فى القدس
كما اعلن الرئيس جورج بوش انه ...... حمار كبير اوى
ههههه
وراحوا راكبينه وطالعين على الغابه ولقوا هناك ........اللاعيب الكبير
اللاعيب الكبير اوى وماشى بالكوره وهايعدى منه يا خساره اتخدت منه ووصلت
لل..........الفيل الكبير
هههههه اللى راح ضارب الاشكيف وامنا الغوله
وحطهم جوه ........الكنافه المحشيه بالزبيب وجوز الهند
وبعد كده تضع الشربات....... على حسام حسن اللى ماشى بالكوره
وهايشوط ياخساره .............. باظت البصاره انا قلتلك ياستى ما تحطيش
ملح كتير على الاكل عشان ما يعملش ...........
زلازل وبراكين فى جنوب شرق آسيا مما ادى اللى .........هجوم سلاحف النينجا
ههههههههه ...........وهدف اكيد يضيع منه ويشوط عصام الحضرى الكوره
ويوصلها ل............ حلة الشوربه وتحطى فيها حتت الخيار والكوسه
بعد ما تسلقيها كويس وتروحى حطالها على ..........
كوسوفا حيث هاجم ميلوسوفيتش رئيس الصرب
المجتمع الدولى ووصف ما يحدث بانه ............
كوسه وقبل ما تسويها لازم تحطيها .............
فى الجووووووووون يا واد يا لاعيب دى ما يحطهاش غير حسام حسن
صاحب الراس الزهبيه اللى بيفكرنا .......... بقرع العسل وتحطى عا البوتاجاز
.............. كابتن ماجد اللى خد بسام وراحوا يلعبوا ........... فى الفرن
لمدة خمس دقايق و32 ثانيه وبعدها تجيبى حله كبيره اوى اوى
وتحطى فيها ... ........ ياسر ريان وبيرقص وبيدخل منطقة الجزاء
وبيضرب ودخل رجال الاسعاف وشالوه فى ........... حلة
وبعد ما تقدمى الشاى لضيوفك تقوليلهم بابتسامه رقيقه ..........
براااااااه وهادى خشبه يا واد يا لاعيب يخطف الكوره من ..........
ام على وبعد ما تحطى عليها الشربات تروحى مديه لجوزك .......
ببوز الجزمه وزى ما احنا شايفين جماهير الدرجه التالته .......
اتحرقت فى البوتاجاز يا خساره يا خساره لكن ماتزعليش تقدرى تقدميها
لل.........المفوضين العرب فى مباحثات السلام حيث صرح السيد جورج بوش
انه سوف يضطر للمضى قدما فى عملية السلام
وسيعرض مقترحاته على ........ صدره يا واد يا لاعيب
هانى رمزى بيعمل عجايب النهارده رقص خمسه
وشاط الكوره قنبللللللللله ....... فى قلب العالم الاسلامى
الذي ادان كل ما يحدث داخل ........... بيت الاشبااااااح
ههههههه ولما باسم شاف العفريت قام جرى بسرعه وراح داخل
............ مجلس الشعب ا لذي قرر عقد اولى جلساته ....... فى الزباله
يعنى لازم تتخلصى من الزباله اول باول
وعلشان نجهز الشوربه لازم نسلق ...... القوانين الجديده
وقد تم ضبط احد اعضاء مجلس الشعب ........... وهو بيلعب فى شعره
ودا يصح يا عمو .لا يا حبيبى طبعا دى عاده سيئه جدا كان زمان بيعملها
.............الحكم واللاعبيه اللى شرفونا النهارده ........... دى حله كبيره اوى
والى هنا تنتهى نشرة الاخبار ..
والسلام عليكم ورحمة الله وبركاته
الرجوع الى أعلى الصفحة اذهب الى الأسفل
 
شاهدوا قنوات التليفزيون و هى داخله فى بعض
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زووم :: الترفيه والمرح :: مواقف طريفه-
انتقل الى: